<?xml version="1.0" encoding="UTF-8"?>
<rss version="2.0" xmlns:content="http://purl.org/rss/1.0/modules/content/" xmlns:dc="http://purl.org/dc/elements/1.1/" xmlns:media="http://search.yahoo.com/mrss/" xmlns:atom="http://www.w3.org/2005/Atom" xmlns:georss="http://www.georss.org/georss">
<channel>
<title>Yazı - 1Sport.az</title>
<link>https://1sport.az/</link>
<language></language><item>
<title>Xankəndi AFFA üçün əhəmiyyətsizdir?</title>
<link>https://1sport.az/yazi/290-xankendi-affa-ucun-ehemiyyetsizdir.html</link>
<pdalink>https://1sport.az/yazi/290-xankendi-affa-ucun-ehemiyyetsizdir.html</pdalink>
<guid>https://1sport.az/yazi/290-xankendi-affa-ucun-ehemiyyetsizdir.html</guid>
<pubDate>Thu, 19 Nov 2026 21:43:50 +0400</pubDate>
<category>index</category>

<content:encoded><![CDATA[<p><b>Əsaslı yenidənqurmadan sonra Xankəndi stadionunda ilk rəsmi futbol qarşılaşması keçirilib. </b></p> <p>I Liqanın VIII turunda “Xankəndi” doğma meydanda “Karvan-Yevlax”ı qəbul edib. Görüş qonaqların 2:0 hesablı qələbəsi ilə yekunlaşıb.</p> <p>Matçı Gənclər və İdman naziri Fərid Qayıbov, Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəsinin müavini Səbuhi Qəhrəmanov, Peşəkar Futbol Liqasının prezidenti Elxan Səmədov, Qarabağ Universitetinin rektoru Şahin Bayramov, eləcə də futbol və idman ictimaiyyətinin nümayəndələri tribunadan izləyiblər.</p> <p>Bura qədər olan hissə Gənclər və İdman Nazirliyinin rəsmi paylaşımında yer alan məlumatdır. Fikir verdiniz? Siyahıda AFFA-nın adı yoxdur! Azərbaycan futbolunu idarə edən qurumun rəhbərliyindən heç kim Xankəndidəki ilk rəsmi oyuna qatılmayıb. Sanki bu şəhərdə keçirilən qarşılaşma AFFA-nın işi deyil, Azərbaycan futboluna aidiyyəti yoxdur.</p> <p>Vallah, özümüzü yalandan yoruruq. Bu AFFA rəhbərliyi futbolun inkişafı üçün heç nə etmir, bundan sonra da edəcəyi görünmür. Cahangir Fərəcullayev və ətrafı ölkə futbolunu iflic vəziyyətə salıb. İndi ortaya bir sual çıxır. Görəsən, bu şəhər federasiyanın Azərbaycan futbolu ilə bağlı planlarında ümumiyyətlə var?</p> <p>Təsəvvür edin, nazirin, dövlət rəsmilərinin iştirak etdiyi oyunda AFFA-nı yalnız Hakimlər Komitəsinin sədri Rəhim Həsənov təmsil edirdi. Bir də Futbolun İnkişafı Fondunun rəhbəri Tural Piriyev var idi. Bəs federasiyanın rəhbərliyi harada idi?</p> <p>Yox eee, hanı bu qurumun vitse-prezidentləri? Hanı baş katib? Bəs milli komandaların səfərlərində onun ətrafında sıra ilə düzülən müavinlər, müşavirlər haradadır? Nə işlə məşğuldurlar? Vəzifələrinin nədən ibarət olduğunu bilirlərmi? Bu adamlar öz işlərini niyə icra etmirlər?</p> <p>Xankəndiyə rəsmi nümayəndə göndərməmək biabırçılıq yox e, UTANCDIR! Sonra da çıxıb futbolun inkişafından, strategiyadan, görülən işlərdən danışırlar. Hələ Cahangir Fərəcullayev Andorrada bəh-bəhlə deyir ki, dövlət maliyyəni kəssə, futbolumuzun durumu daha da pis vəziyyətə düşər! Hörmətli baş katib, dövlətin ayırdığı vəsaitdən danışmazdan əvvəl öz fəaliyyətinizə nəzər salın. Çünki Azərbaycan futboluna sizin fəaliyyətsizliyiniz qədər zərbə vuran ikinci bir şəxs yoxdur. Xankəndidəki mənzərə də bunun növbəti sübutudur.</p>]]></content:encoded>
</item><item>
<title>Gəncədə &quot;Kəpəz&quot;lə &quot;Qarabağ&quot;ın futbol şousunu izləyəcəyik</title>
<link>https://1sport.az/yazi/232-gencede-kepezle-qarabagin-futbol-sousunu-izleyeceyik.html</link>
<pdalink>https://1sport.az/yazi/232-gencede-kepezle-qarabagin-futbol-sousunu-izleyeceyik.html</pdalink>
<guid>https://1sport.az/yazi/232-gencede-kepezle-qarabagin-futbol-sousunu-izleyeceyik.html</guid>
<pubDate>Wed, 18 Nov 2026 21:12:14 +0400</pubDate>
<category>index</category>

<content:encoded><![CDATA[<div><b>Misli Premyer Liqasının 12-ci turunda "Kəpəz" doğma meydanda "Qarabağ"ı qəbul edəcək.</b></div> <div></div> <div>Görüşə böyük azarkeş marağının olacağı gözlənilir. Buna əsas səbəb həm komandalar arasındakı xal fərqi, həm də klubların son oyunlarında qeydə alınan nəticələrdir.</div> <div></div> <div>Belə ki, hazırda "köhlən atlar" 19 xalla turnir cədvəlinin dördüncü pilləsində qərarlaşıb. Ağdam təmsilçisi liderlər qrupundan uzaqlaşmamaq üçün oyuna ciddi hazırlaşacaq.</div> <div></div> <div>"Sarı-göylər" isə 17 xalla altıncıdır. Meydan sahibləri qalib gələrsə, Ağdam klubunu geridə qoyacaq. Ötən mövsümkü son iki dueldə "Kəpəz"in qələbə qazanıb. "Qarabağ"ın hazırkı nəticələrini də nəzərə alsaq, "Kəpəz"in bu görüşdə asan təslim olmayacağını söyləyə bilərik. "Sarı-göylər"ın doğma meydanda fərqli motivasiya ilə oynadığı hamıya bəllidir. </div> <div></div> <div>Bilet satışının ilk günündə rekord nəticənin qeydə alınması da təsadüfi deyil. 15363 nəfərlik tutuma malik olan Gəncə şəhər stadionunda artıq 8400 azarkeş birinci satış günündən oyun üçün öz yerini alıb. "Qarabağ" fanatları da stadionda öz yerlərini alacaq. Yayılan məlumata görə, Ağdam klubu Gəncə rəhbərliyindən 3000 bilet tələb edib. Bu, o deməkdir ki, həm "Kəpəz"ə, həm də "Qarabağ" oyunda böyük dəstək olacaq.<br><br>Rəqəmlərdən də göründüyü kimi meydanda və tribunalarda böyük derbi atmosferi yaşanacaq.</div>]]></content:encoded>
</item><item>
<title>Şahruddin AFFA rəhbərliyinin bacarıqsızlığını ifşa etdi</title>
<link>https://1sport.az/yazi/221-sahruddin-affa-rehberliyinin-bacariqsizligini-ifsa-etdi.html</link>
<pdalink>https://1sport.az/yazi/221-sahruddin-affa-rehberliyinin-bacariqsizligini-ifsa-etdi.html</pdalink>
<guid>https://1sport.az/yazi/221-sahruddin-affa-rehberliyinin-bacariqsizligini-ifsa-etdi.html</guid>
<pubDate>Wed, 18 Nov 2026 17:07:43 +0400</pubDate>
<category>index</category>

<content:encoded><![CDATA[<p><b>Azərbaycan millisi rüsvayçı vəziyyətdədir. </b></p> <p>Andorra üzərində qələbəni fövqəladə bir hadisəyə çevirmək, Lixtenşteynə qalib gəlməyi təkrarolunmaz bir uğur kimi təqdim etmək, D Liqasında qitənin ən zəif yığmalarının qərarlaşdığı qrupu lider başa vurmağı xalqa böyük bir nəticə adı ilə sırımaq azmış kimi indi də Şahruddin Məhəmmədəliyev azerisport.com-a müsahibəsində çıxıb deyir ki, "biz pley-off-a top fərqinə görə gedildiyini bilmirdik. Yoxsa Lixtenşteynə daha çox qol vurardıq". </p> <p>AFFA-nın iç üzünü bundan artıq hansısa cümlə ilə ifadə etmək olmazdı. Qurum rəhbərliyi jurnalistlərin fikirlərini hər vəcdlə təkzib edir. Bəs Şahruddinin onların səriştəsizliyini ifşa edən sözlərinə nə cavab verəcəklər?! Qapıçı ki, onlarla eyni cəbhədə dayanan şəxsdir. Məhəmmədəliyev digər cümləsində isə xallar bərabər olduqda reytinqdə üstün olan millinin pley-off-a yollanacağını düşündüyünü, qaydalarda bəzi dəyişikliklərdən xəbərsiz olduğunu bildirib.</p> <p>Oyunçu iştirak etdiyi turnirin reqlamentini necə bilməz axı? Yaxşı, deyək ki, futbolçu bilmir. Bəs komandanın məşqçilər korpusu hara baxır? Turnir başlayanda AFFA rəhbərliyi yenilikləri təhlil edib baş məşqçinin, futbolçuların, kollektivin önünə konkret hədəf qoymurmu? Bu insanlar stadiona məqsədsizmi çıxır? Yığmanın Lixtenşteynə ən azı dörd-beş cavabsız qol vurması üçün hansısa meyar dəyişikliyinə gərək olmamalıdır. Bu hər şeydən öncə futbolçuların borcudu. Digər bir rəzalət isə Maltanı qabaqlaya bilməməsidir və nəticənin məlumatsızlıqla əlaqələndirilməsi xalqı ələ salmaqdır.</p> <p>AFFA rəhbərliyi indiki halda ya bacarıqsızlığını boynuna alaraq sakitcə istefa verməli, ya da xalqdan üzr istəməlidir. Çünki millinin Avropa Çempionatının pley-off mərhələsinə vəsiqə qazanması üçün bir də belə real şansının olması möcüzəyə bərabərdir. Azarkeşlərin açıq formada hissləri ilə oynamaq və media önündə rahatca səsləndirmək artıq özbaşınalığın pik həddidir.</p>]]></content:encoded>
</item><item>
<title>Hakimlər meydanda qışqırır, AFFA hesabı qarışdırır</title>
<link>https://1sport.az/yazi/190-hakimler-meydanda-qisqirir-affa-hesabi-qarisdiri.html</link>
<pdalink>https://1sport.az/yazi/190-hakimler-meydanda-qisqirir-affa-hesabi-qarisdiri.html</pdalink>
<guid>https://1sport.az/yazi/190-hakimler-meydanda-qisqirir-affa-hesabi-qarisdiri.html</guid>
<pubDate>Tue, 17 Nov 2026 20:36:58 +0400</pubDate>
<category>index</category>

<enclosure url="https://1sport.az/uploads/posts/2026-11/img-20261117-wa0051.jpg" type="image/jpeg" />
<enclosure url="https://1sport.az/uploads/posts/2026-11/img-20261117-wa0050.jpg" type="image/jpeg" />
<content:encoded><![CDATA[<p><b>Azərbaycanın U-21 millisinin Oman U-23 yığması ilə keçirdiyi yoxlama oyununda AFFA-nın təşkilatçılığı ciddi suallar doğurub.</b></p> <p>Qarşılaşmada hakimlərin normal fəaliyyət göstərməsi üçün zəruri olan rabitə avadanlıqları təmin edilməyib.</p> <p>Oyunu stadiondan izləyən əməkdaşımızın məlumatına görə, hakimlər briqadasının ixtiyarında qulaqlıq və mikrofon yoxdur. Nəticədə referilər qərarlarını bir-birlərinə qışqıraraq çatdırmaq məcburiyyətində qalıblar.</p> <p>Baş hakim Cavid Cəlilovun idarə etdiyi qarşılaşmada bu çatışmazlıq bir neçə dəfə özünü göstərib. Yan xətt hakimləri oyundankənar vəziyyət qeydə alsalar da, baş hakim onların qərarlarını eşitməyərək oyunu davam etdirib. Yalnız müəyyən müddət keçdikdən sonra köməkçilərinin işarələrindən xəbər tutub.</p> <p>Bu, milli komandalar səviyyəsində keçirilən oyunun təşkilinə göstərilən münasibətin bariz nümunəsidir.</p> <p>AFFA-nın təşkilatçılıq sahəsindəki problemləri bununla da bitməyib. Federasiyanın rəsmi saytında qarşılaşmanın hesabı da yanlış göstərilib.</p> <p>Belə ki, meydanda hesab 1:1 olduğu halda, AFFA-nın saytında Azərbaycan millisinin 1:0 hesabı ilə öndə olduğu qeyd edilib. Halbuki qarşılaşmada hesabı açan tərəf Oman yığması olub.</p> <p>Ortaya haqlı sual çıxır: AFFA nəinki meydandakı hakimləri normal rabitə vasitələri ilə təmin edə bilir, hətta öz millisinin oyununda hesabın neçə olduğunu da düzgün göstərməyi bacarmır?</p> <p><img src="https://1sport.az/uploads/posts/2026-11/img-20261117-wa0051.jpg" alt="" style="display:block;margin-left:auto;margin-right:auto;"></p> <p>Söhbət hansısa həvəskar turnirdən yox, Azərbaycanın gənclər millisinin beynəlxalq yoxlama görüşündən gedir. Belə qarşılaşmalarda təşkilati məsələlərin əvvəlcədən həll olunması, hakimlərin iş şəraitinin təmin edilməsi və ictimaiyyətə düzgün məlumat çatdırılması federasiyanın ən elementar vəzifələrindəndir.</p> <p>Hakimlərin meydanda bir-birinə qışqıraraq qərar çatdırması, oyundankənar vəziyyətlərin gec qeydə alınması, üstəlik, rəsmi saytda hesabın səhv göstərilməsi AFFA-nın təşkilati işinə nə dərəcədə ciddi yanaşdığını sual altına qoyur.</p> <p><img src="https://1sport.az/uploads/posts/2026-11/img-20261117-wa0050.jpg" alt="" style="display:block;margin-left:auto;margin-right:auto;"></p> <p>Azərbaycan futbolunun inkişafından danışan qurum əvvəlcə bir yoxlama matçını problemsiz təşkil etməyi və hesabı düzgün yazmağı bacarmalıdır.</p> <p>AFFA rəhbərliyi bu cür hallara görə məsuliyyət daşıyan şəxslərdən izahat tələb etməli, yol verilən nöqsanların səbəblərini ictimaiyyətə açıqlamalıdır. Çünki milli komandanın oyununda bu qədər elementar məsələlərin problemə çevrilməsi Azərbaycan futbolunun adına yaraşmır.</p>]]></content:encoded>
</item></channel></rss>